Orlando

Publicada en 1928 por Hogarth Press, o selo editorial fundado por Virginia Woolf e o seu marido Leonard, Orlando é a un tempo novela, xogo e, como ben dixo o fillo da interesada, unha fermosa carta de amor a Vita Sackville-West, de quen Orlando é transunto. Facendo viaxar a súa protagonista a través dos xéneros e as épocas, Woolf ofrécenos un repaso á historia do Reino Unido desde o período isabelino á Primeira Guerra Mundial, pasando por críticas diversas aos convencionalismos sociais máis arraigados, até chegar á imperecedoira declaración de amor que constitúe a súa cerna.