Boulevar Libraría Edicións é un proxecto literario xurdido da imprudencia e da vontade de crear novas pontes na nosa literatura, de apostar por un xeito diferente de crear e editar. Así, contamos cunha tenda física no concello de Bueu e coa propia editorial, cun equipo composto por Daniel Chapela, Beatriz Pereira Expósito, Sara Rodríguez, Diego Jorge e Miguel García-Fernández.
A nosa é unha vocación, tamén, de achegar a literatura galega ao mercado español, polo que as obras publicadas contan cunha versión en galego e outra en castelán, ou cunha edición bilingüe. Ademais, a editorial ten como punto base o acompañamento das autoras e autores durante todo o proceso de edición e mais no de promoción da súa obra.
